Ucapan Selamat Idul Fitri dan Idul Adha ala bahasa Makassar bro...

Se're/Satu/One
Lompo erokku
Na malompo sumanga’ nyawaku assicini
Mingka apa la ku gaukang
Ri taliponga/E-maili’/Pesbu’/Blo’/SMS mami kupabattu

Lanri tena na pa na pa’rang singara’na suruga
Lanri tena na pa na mate tauwwa
Lanri tena na pa nitongko ki pammopporanga
Appala’ popporoka mange ri katte ngaseng
Kipammoporanga sibatu kale


Rua/Dua/Two
Kimapporanga sibatu kale
Tena mo bulang ma ka gammara’/lannying pattarangnganna Rumalang
Pammetai kalengta sangngenna katabbere’ ni pakasingara’
Kitajai allo pammetanga siagang ati matangkasa’

Inakke kapang teaija agang mabaji’ mange ri kalengnnu
Sanging nia’ saki na salaku ilalang na batang kalengta
Labbi pa iya sanging ku susai kalengnnu

Lanri kammana mi anjo siana’
Appala’ popporoka mange ri katte ngaseng
Kimapporanga sibatu kale


Tallu/Tiga/Three
Sampulosse’re bulangki angngondang lino
Sampulosse’re bulangki na lajju pangnganreang
Sibulang ki appuasa
Sibulang ki annahang cipuru’ siagang turere’

Jai dosa kipare’ ilalangna sampulosse’re bulang
Jai panggaukang sala ki gaukang ilalangna sampulosse’re bulang

Ri allo pa’lappassanga anne
Ki tangkasi atingta na ki sungke pappala’popporotta
Massing a’jama’-jama’ maki
AMBAE ki sipammopporang

Appala’ popporoka mange ri katte ngaseng
Kipammoporanga sibatu kale


Appa'/Empat/Four
Salama’ ki ambattui allo p’lappassanga
AMBAE na ki pakaramulai assipammoporang
Sikanyame lalang ati na ki assipammopporang battu ri ati matangkasa’ ta
Salama’ki allappasa’ lompo
Kipammoporanga sibatu kale


Lima/Lima/Five
Lompo erotta, labbipa iya erokku
Malompo ero’ assicini siana’ ku

Kutarima sms ta
Na kupabattu sikamma kipabattuanga
Kipammoporanga sibatu kale


Annang/Enam/Six
Pallappassanga nia’ mi ri dallekangta
AMBAE ki massing kikanyame ri batang kalengta

Le’ba’ mi ki gaukang parenta na Allah Taala
Na tena ja ki gaukangi pappisangkana

Salama’ ki ambattui pa’lappasanga
Nia’ lalo ji Allah Taala napammopporang ia dosa ta ngaseng
Baji’ pa ia dosa ta le’ba laloa ia pa pole la battua
Amin Ya Rabbala’ Alamin

Kipammopporanga Daeng


Tuju/Tujuh/Seven
Annenreng atengta allangngere’ katabbere’ ka
Anjari pappakainga mange ri batang kalengta
Angkanayya labattu mi allo’ pallappasanga
Kipammoporanga sibatu kale


Sagantuju/Delapan/Eight
Manna mamo tena na ki assicini
Manna mamo tena na ki akkulle a’jama’-jama’
Manna mamo tena na ki langngere’ pappala’popporo’ ku
Mingka ki palaloi pappala’popporo’ ku Daeng
Salama’ ki a’lappasa’
Kipammoporanga sibatu kale


Salapang/Sembilan/Nine
Kipammoporanga nasaba’ tena ku issengi anynyonyo’
Sollangna ki pammoporanga

Jari bajiki kapang punna kupatarrusu’mi
Battu ri atengku matangkasaka

Salama’ ki a’lappasa’
Kipammoporanga sibatu kale
Ia sala siagang dosa ku kabusu’ na le’baka ku gaukang


Sampulo/Sepuluh/Ten
Punna pale’ tena nakkulle tauwwa assicini
Punna pale’ tena nakkulle a’jama’-jama’
Assierang nipakasingara’ na mo katabbere’ ka
Battu ri ate matangkasakku

Inakke siagang ia tau ri ballaka
Appala’popporo’ mange ri batang kalengta
Nia’ laloji Allah Taala napammopporang dosa ta ngaseng
Na siori’ tallasa’ta rilinoa anne

O Karaeng Malompoa
Ki kanyame umuru’ ku
Kipabattua na kipasicinika pole Rumalang labattua

Kitangkassi atenna atangta
Nakkulle assipammopporang
Taqoballahu Minna Wa Minkum

Kipammoporanga sibatu kale
Salama’ki a’lappasa’

Sampulosse're/Sebelas/Eleven

Appala’popporoka mange ri katte ngaseng
Salama’ki a’lappasa’ lompo ilalangna taung 1432 Hijriyah
Kipammoporanga sibatu kale
Nia laloji Allah Taala natarima ia kabusu’na amala’ta